სასწავლო ცენტრი
 |
სასწავლო ცენტრი
საქართველოს სახელმწიფო დაცვის სპეციალური სამსახურის სასწავლო ცენტრი შექმნილია პირად მცველთა პროფესიული აღზრდის და საბრძოლო, ფიზიკური და თეორიული მომზადების დონის სრულყოფის მიზნით. სასწავლო პროცესი მიმდინარეობს წინასწარ შემუშავებული და დამტკიცებული სპეციალური პროგრამებით, მეთოდოლოგია შეესატყვისება სამსახურის ქვედანაყოფების ფუნქციების სპეციფიკას.
სასწავლო პროგრამები მოიცავს საქართველოს პრემიერის, პრეზიდენტის და სხვა მნიშვნელოვან პირთა პირადი დაცვის თანამშრომელთა გადამზადებას, სპეციალური დანიშნულების ქვედანაყოფის მებრძოლთა კვალიფიკაციის ამაღლების კურსს, საკონტრაქტო სამსახურში ჩასარიცხ კანდიდატთა მომზადების კურსს, სასწავლო-მეთოდოლოგიურ და პრაქტიკულ ტრენინგებს სამსახურის ქვედანაყოფების ხელმძღვანელებისთვის, ავტოსატრანსპორტო საშუალებების მართვას ექსტრემალურ სიტუაციებში.
