სიახლეები
სდსს მოსამსახურის სამაგალითო მამაცობამ სიცოცხლე გადაარჩინა
2013-01-12 14:31:00
მ/წ 12 იანვარს, დასავლეთ საქართველოს მთავარი სამმართველოს დაცვის თანამშრომელმა, ს/დ სერჟანტმა, თეიმურაზ თავდგირიძემ, არასამუშაო დროს ზღვისპირა პარკში სეირნობისას, დაინახა, თუ როგორ გადახტა ახალგაზრდა ქალბატონი ზღვაში და იხრჩობოდა.
თეიმურაზ თავდგირიძე მყისიერად შეცურდა ზღვაში და წყლიდან ამოიყვანა უგონო მდგომარეობაში მყოფი ქალბატონი. პირველადი სამედიცინო დახმარების აღმოჩენის შემდეგ. თავდგირიძემ სასწრაფო სამედიცინო დახმარებასა და საპატრულო პოლიციას გამოუძახა. ძალისხმევამ შედეგი გამოიღო - ახალგაზრდა ქალბატონი ცოცხალი გადარჩა.
ყოველივე ზემოაღნიშნულიდან გამომდინარე, რეგიონალური სამმართველოს II ჯგუფის III ცვლის დაცვის თანამშრომელი, ს/დ სერჟანტი თეიმურაზ თავდგირიძე სამაგალითო მამაცობის ჩადენისთვის სამსახურის უფროსის ბრძანებით დაჯილდოებულ იქნა.
