საქართველოს სახელმწიფო დაცვის სპეციალური სამსახური

SPECIAL STATE PROTECTION SERVICE OF GEORGIA

სიახლეები

საფრთხე: დრონების (კვადროკოპტერები) ფრენა ისრაელის საელჩოს შენობის თავზე

2019-01-10 13:47:00

მიმდინარე წლის 3 იანვარს საქართველოში, ისრაელის საელჩოს შენობის თავზე დრონების ლოკალიზაციისა და გადაჭერის სისტემის გამოცდა განხორციელდა. ისრაელის უსაფრთხოების სამსახურების და საქართველოს სახელმწიფო დაცის სპეციალური სამსახურის მიერ ორგანიზებული ღონისძიება, რომელიც მოიცავდა სხვადასხვა მანძილზე მოქმედი სამრეწველო და თვითნაკეთი დრონების მართვის ტესტირებას, წარმატებით დასრულდა. გამოცდისას ლოკალიზაცია-გადაჭერის სისტემამ გამოავლინა, გადაიჭირა და შექმნა შეფერხებები სხვადასხვა სახის მოდელირებულ სიტუაციებში, მათ შორის სადაზვერვო მონაცემების მოპოვებისას და ტერორისტული აქტების განხორციელების შემთხვევაში. აღნიშნული ღონისძიებით ისრაელის უსაფრთხოების სამსახურმა დაასრულა საზღვარგარეთ ისრაელის ობიექტების დაცვის საფრთხეების განეიტრალების ჩარჩოთი გათვალისწინებული კონტრქმედებების პროცესი. საფრთხეები, რომელსაც წარმოადგენს კვადროკოპტერები, უფრო და უფრო მეტ აქტუალობას იძენს. მაგალითისთვის, 2018 წლის დეკემბრის ბოლოს გახდა ცნობილი, რომ მსოფლიოში ერთ-ერთი უდიდესი ლონდონის გატვიკის აეროპორტი დღე-ღამის განმვალობაში არ ფუნქციონირებდა მის საჰაერო სივრცეში შეჭრილი დრონისგან მომავალი საფრთხის გამო. მომხდარი ფაქტის მიზეზები ჯერ კიდევ არ არის დადგენილი. ლოკალიზაცია-გადაჭერის სისტემა, რომლის ტესტირება თბილისში განხორციელდა, შემუშავებულ იქნა ისრაელის სამხედრო-სამრეწველო კომპლექსის საწარმოში. ეს ერთ-ერთი პირველი სისტემაა, რომელიც მფრინავი ობიექტების შორ დისტანციაზე აღმოჩენის, გადაჭერის და კონტროლის საშუალებას იძლევა. ისრაელის სამხედრო-სამრეწველო კომპლექსში განიხილება სისტემის სხვა სახელმწიფოებზე მიყიდვის შესაძლებლობა.

ცხელი ხაზი 2 99 02 02
სასწავლო ცენტრივაკანსიასასარგებლო ბმულები

სიახლეების კალენდარი

< მაისი 2019 >
ორშსამოთხხუთპარშაბკვი
  12345
6789101112
13141516171819
20
212223242526
2728293031  
საქართველოს მთავრობასაქართველოს პარლამენტისაქართველოს პრეზიდენტიშინაგან საქმეთა სამინისტრო