სიახლეები
სდსს გუნდმა წარმატებით იასპარეზა
2011 წლის 1 ივლისს, საქართველოს სამსახურებრივ-გამოყენებითი სპორტის ფედერაციის ორგანიზებით, პირველად გაიმართა სახელმწიფო ორგანიზაციებს შორის საქართველოს პირად-გუნდური პირველობა სამსახურებრივ-საშტატო იარაღიდან სროლაში. შეჯიბრში მონაწილეობდნენ საქართველოს ფინანსთა სამინისტროს საგამოძიებო სამსახურის სპეციალური დანიშნულების რაზმის, საქართველოს შინაგან საქმეთა სამინისტროს, საქართველოს თავდაცვის სამინისტროს, საქართველოს დაზვერვის სამსახურის და საქართველოს სახელმწიფო დაცვის სპეციალური სამსახურის გუნდები. საქართველოს სახელმწიფო დაცვის სპეციალური სამსახურის გუნდმა 286 ქულით გუნდურ პირველობაში მეორე, ხოლო პირად პირველობაში მესამე ადგილი მოიპოვა. სდსს-ს გუნდის წევრები, სროლაში სამგზის ოლიმპიურმა ჩემპიონმა ნინო სალუქვაძემ, მედლებით და თასით დააჯილდოვა.
