სიახლეები

შიდა ტურნირი მინი-ფეხბურთში

დასრულდა სახელმწიფო დაცვის სპეციალური სამსახურის შიდა ტურნირი მინი-ფეხბურთში, რომელიც მიზნად ისახავდა სამსახურის თანამშრომელთა შორის მინი-ფეხბურთის, როგორც აქტიური დასვენების პოპულარიზაციას, ასევე საუკეთესო გუნდის გამოვლენას.

გათამაშებაში სამსახურის სხვადასხვა სტრუქტურული დანაყოფის 10 გუნდი მონაწილეობდა. ფინალში თამაშის უფლება ადმინისტრაციული შენობებისა და სამთავრობო რეზიდენციების დაცვის დეპარტამენტისა და სპეციალური დანიშნულების ავტოკოლონის უსაფრთხო გადაადგილების უზრუნველყოფის მთავარი სამმართველოს გუნდებმა მოიპოვეს.

ფინალური მატჩი ანგარიშით 2:1 ადმინისტრაციული შენობებისა და სამთავრობო რეზიდენციების დაცვის დეპარტამენტის გუნდის გამარჯვებით დასრულდა. გამარჯვებულ გუნდს გარდამავალი თასი გადაეცა. მატჩს სამსახურის უფროსის მოადგილეები და უწყების სხვა წარმომადგენლები ესწრებოდნენ. (იხ. ფოტოალბომი)