სიახლეები
ფილიპ დიმიტროვმა სდსს-ის სასწავლო ცენტრში ლექცია წაიკითხა
2012-09-19 14:15:00
სახელმწიფო დაცვის სპეციალური სამსახურის ადმინისტრაციის სასწავლო ცენტრში, საქართველოში ევროკავშირის წარმომადგენლობის ხელმძღვანელმა, ელჩმა ფილიპ დიმიტროვმა წაიკითხა ლექცია თემაზე „საქართველო და ევროკავშირი“. ლექციაზე ყურადღება გამახვილდა ევროკავშირის მნიშვნელობაზე, აღნიშნულ საერთაშორისო ორგანიზაციაში ინტეგრაციის პროცესის დასაჩქარებლად განსახორციელებელ რეფორმებზე, გამარტივებულ სავიზო რეჟიმზე და სხვ. სახელმწიფო დაცვის სპეციალური სამსახურის თანამშრომლებს ასევე განემარტათ, რა პერსპექტივები აქვს საქართველოს ევროკავშირის წევრ სახელმწიფოებთან პოლიტიკური, ეკონომიკური და კულტურული ურთიერთობების გაღრმავების თვალსაზრისით. ლექციის დასასრულს ელჩმა სდსს-ს თანამშრომლების მიერ დასმულ შეკითხვებს უპასუხა. (იხ. ფოტოალბომი)
