სიახლეები
აქცია ''ვიზრუნოთ ერთმანეთზე''
2015-04-10 12:08:00
სახელმწიფო დაცვის სპეციალური სამსახურის აფხაზეთის ა/რ მთავარი სამმართველოს თანამშრომლები ჩაერთვნენ აფხაზეთის ავტონომიური რესპუბლიკის მთავრობისა და აფხაზეთის უმაღლესი საბჭოს მიერ ორგანიზებულ აქციაში „ვიზრუნოთ ერთმანეთზე".
აქციის ფარგლებში იძულებით გადაადგილებულ პირებს აღდგომის ბრწყინვალე დღესასწაული მიულოცეს და სხვადასხვა დასახელების სასურსათო პროდუქტი გადასცეს. ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის უმაღლესი საბჭოს თავმჯდომარე გია გვაზავა დაესწრნენ.
სახელმწიფო დაცვის სპეციალური სამსახურის აფხაზეთის ა/რ მთავარი სამმართველოს თანამშრომლებს ვახტანგ ყოლბაიამ გადასცა საგანგებო სერტიფიკატი მათი აქტიური ჩართულობისათვის.
