სიახლეები
დაიწყო წვევამდელთა სადღეღამისო-სასწავლო შეკრება
2015-05-19 14:28:00
საკონტრაქტო სამსახურში ჩასარიცხი 138 კანდიდატი, 2015 წლის 19 მაისიდან 12 ივნისის ჩათვლით გაივლის სადღეღამისო-სასწავლო შეკრებას. პრაქტიკული და თეორიული მომზადების კურსის წარმატებით დასრულების შემთხვევაში კანდიდატები ჩაირიცხებიან საკონტრაქტო სამსახურში.
სადღეღამისო-სასწავლო შეკრების პერიოდში კანდიდატები გაივლიან საცეცხლე, სამწყობრო, ტაქტიკური და თეორიული მომზადების კურსს, გაეცნობიან საქართველოს სახელმწიფო დაცვის სპეციალური სამსახურის საქმიანობის მარეგულირებელ კანონებს და კანონქვემდებარე ნორმატიულ აქტებს.
