სიახლეები

ინსტრუქტორთა ერთობლივი სემინარი

2015 წლის 24 აპრილს, მოლდოვას რესპუბლიკის, საქართველოსა და რუმინეთის სახელმწიფო დაცვის სამსახურებს შორის გაფორმებული თანამშრომლობის ოქმის საფუძველზე, მიმდინარე წლის 19-21 მაისს მოლდოვაში (ქ.კიშინიოვი) გაიმართა აღნიშნული სამსახურების ინსტრუქტორთა სამუშაო სემინარი, რომელიც მოიცავდა პირად მცველთა საცეცხლე, ტაქტიკური და ფიზიკური მომზადების მიმართულებით ინსტრუქტორთა გამოცდილების და სწავლების თანამედროვე მეთოდების ურთიერთგაზიარებას. საქართველოს სახელმწიფო დაცვის სპეციალური სამსახურის მხრიდან აღნიშნულ სემინარში მონაწილეობდნენ სამსახურის სასწავლო ცენტრის უფროსი ირაკლი ფოჩხუა, საცეცხლე მომზადების განყოფილების უფროსი დავით ჯალაბაძე და ტაქტიკური მომზადების ჯგუფის უფროსი ირაკლი ბოლქვაძე. თანამშრომლობის ოქმის ფარგლებში მომდევნო ღონისძიება - ერთობლივი სწავლება სპეციალური დანიშნულების დანაყოფების წევრთა მომზადების მეთოდების ურთიერთგაზიარების კუთხით დაგეგმილია საქართველოში, მიმდინარე წლის სექტემბერში.  იხ. (ფოტოალბომი)