სიახლეები

სდსს თანამშრომელმა მოქალაქე გადაარჩინა

საქართველოს სახელმწიფო დაცვის სპეციალური სამსახურის უმცროსმა სერჟანტმა მალხაზ სინჯარაძემ დღეს ახალგაზრდა ქალი გადაარჩინა,
რომელიც თვითმკვლელობის მიზნით მტკვარში გადახტა. 
მალხაზ სინჯარაძემ ახალგაზრდა ქალი მტკვარში სამსახურებრივი მოვალეობის შესრულებისას შენიშნა და იგი ნაპირზე გამოიყვანა. 
შემთხვევის ადგილზე რამდენიმე წუთში მივიდნენ სამაშველო სამსახურის და საპატრულო პოლიციის წარმომადგენლებიც. 
სასწრაფო სამედიცინო დახმარების ბრიგადამ ახალგაზრდა ქალი საავადმყოფოში გადაიყვანა. მისი ჯანმრთელობის მდგომარეობა სტაბილურია. (იხ.ვიდეო)