სიახლეები
ვიზიტი ბუდაპეშტში
საქართველოს სახელმწიფო დაცვის სპეციალური სამსახურის თანამშრომლებმა ბუდაპეშტში, სამართალდამცავი სტრუქტურების საერთაშორისო აკედემიისა (ILEA) და ამერიკის სახელმწიფო დეპარტამენტის მიერ ორგანიზებული ერთკვირიანი კურსი გაიარეს.
კურსის ფარგლებში მონაწილეები გაეცნენ პირადი დაცვის საკითხებს, ოპერატიული ინფორმაციის მოძიების ხერხებს, უმაღლესი თანამდებობის პირთა ვიზიტისას უსაფრთხოების ღონისძიებების დაგეგმარების, საფრთხეების წინასწარი მოკვლევისა და შეფასების მეთოდებს.
ერთკვირიან ღონისძიებაში ქართული მხარის გარდა, რუმინეთისა და სლოვაკეთის დაცვის სამსახურების წარმომადგენლებიც მონაწილეობდნენ.
კურსის დახურვის საზეიმო ცერემონიალს საქართველოს საგანგებო და სრულუფლებიანი ელჩი უნგრეთში ბატონი ზაზა კანდელაკი და საქართველოში ამერიკის შეერთებული შტატების საელჩოს რეგიონალური უსაფრთხოების სამსახურის უფროსი ბატონი ჯეიმს ჰაინი დაესწრნენ.
