სიახლეები

სასწავლო კურსი ბუდაპეშტში

სამსახურის თანამშრომლებმა ქ. ბუდაპეშტში, სამართალდამცავი სტრუქტურების საერთაშორისო აკადემიაში (ILEA) „პირადი შემადგენლობის და შენობა-ნაგებობების უსაფრთხოების“ ორკვირიანი კურსი გაიარეს.

ამერიკის შეერთებული შტატების სახელმწიფო დეპარტამენტის მიერ ორგანიზებული სასწავლო პროგრამა მასობრივი განადგურების იარაღის გამოყენებით წარსულში განხორციელებული და პოტენციური თავდასხმების სპეციფიკას, რეგიონში მოქმედი ტერორისტული ორგანიზაციების მიმდინარე შესაძლებლობების გაცნობას, დაცვითი ღონისძიებების ორგანიზებასა და კონცეფციას, ფიზიკური დაცვის ასპექტებს და სხვა საკითხებს მოიცავდა.

აღნიშნულ კურსს ქართულ მხარესთან ერთად, ალბანეთის, ბულგარეთისა და უნგრეთის ძალოვანი სტრუქტურების თანამშრომლები ესწრებოდნენ. მონაწილეებმა ერთმანეთს პრაქტიკული გამოცდილება და დაცვის სფეროში დაგროვილი ცოდნა გაუზიარეს.