სიახლეები

ტრენინგი ''საფრთხეების შეფასება და მართვა''

27-29 ივლისს, სახელმწიფო დაცვის სპეციალური სამსახურის სასწავლო ცენტრში ტრენინგი  „საფრთხეების შეფასება და მართვა" გაიმართა. ტრენინგის ფარგლებში, ამერიკის შეერთებული შტატების სახელმწიფო დეპარტამენტის დიპლომატიური უსაფრთხოების სამსახურის წარმომადგენლებმა ქართველ კოლეგებს პრაქტიკული ცოდნა და გამოცდილება გაუზიარეს.

სამდღიანი კურსის განმავლობაში, მონაწილეებს სახელმწიფო დაცვის სპეციალური სამსახურიდან, შინაგან საქმეთა სამინისტროდან, სახელმწიფო უსაფრთხოების სამსახურიდან და საქართველოს მთავარი პროკურატურიდან, საშუალება მიეცათ გაცნობოდნენ ისეთ საკითხებს, როგორიცაა დასაცავი პირის წინაშე არსებული შესაძლო საფრთხეების გამოვლენის, შეფასების, გამოძიების და მასთან გამკლავების მეთოდები, აგრეთვე მათი პრაქტიკაში განხორციელების ტაქტიკა და კონკრეტული კაზუსები.

კურსის დასრულების შემდეგ, მონაწილეებს სერტიფიკატები გადაეცათ.