სიახლეები

ვიზიტი მოლდოვას რესპუბლიკაში

26-27 იანვარს, საქართველოს სახელმწიფო დაცვის სპეციალური სამსახურის უფროსი ანზორ ჩუბინიძე მოლდოვას რესპუბლიკის სახელმწიფო დაცვის სპეციალური სამსახურის მიწვევით მოლდოვას რესპუბლიკას ეწვია. ვიზიტის ფარგლებში გაიმართა შეხვედრა რესპუბლიკის ვიცე-პრემიერ გეორგე ბალანთან და პრემიერ - მინისტრის მრჩეველთან სახელმწიფო უსაფრთხოების საკითხებში მიჰაი გოდეასთან. შეხვედრაზე განხილულ იქნა მოლდოვას რესპუბლიკის, საქართველოს, რუმინეთის, უკრაინისა და ბულგარეთის სახელმწიფო დაცვის სამსახურებს შორის პროფესიული სწავლების სფეროში გაფორმებული თანამშრომლობის ოქმის ფარგლებში ურთიერთქმედების შემდგომი გაღრმავების საკითხები და აღნიშნული სამსახურების წინაშე მდგარი გამოწვევების დაძლევის გზები.

ხუთი ქვეყნის სამსახურების ხელმძღვანელებმა პატივი მიაგეს მოლდოვას რესპუბლიკის გამორჩეული მმართველის სტეფან დიდის ხსოვნას და მემორიალი ყვავილებით შეამკეს.

27 იანვარს ანზორ ჩუბინიძე მოლდოვას რესპუბლიკის სახელმწიფო დაცვის სამსახურის შექმნიდან 25 წლის იუბილეს აღსანიშნავ საზეიმო ღონისძიებას დაესწრო. იხ, ფოტოალბომი