სიახლეები
სამუშაო ვიზიტი ამერიკის შეერთებულ შტატებში
ანზორ ჩუბინიძე სამუშაო ვიზიტით ამერიკის შეერთებულ შტატებში იმყოფებოდა. აშშ სახელმწიფო დეპარტამენტისა და დიპლომატიური უსაფრთხოების სამსახურის ინიციატივით შეხვედრები გაიმართა დიპლომატიური უსაფრთხოების სამსახურის დირექტორ კრისტიან შურმანთან, აგრეთვე რეგიონული უსაფრთხოების ევროპის მიმართულების დირექტორ ჯასტინ ოტოსთან და დიპლომატიური უსაფრთხოების სამსახურის საგამოძიებო-ოპერატიული დანაყოფის ხელმძღვანელობასთან. მხარეებმა ორ ქვეყანას შორის არსებულ თანამშრომლობაზე, რეგიონში უსაფრთხოების კუთხით არსებულ გამოწვევებსა და სამომავლო თანამშრომლობის საკითხებზე ისაუბრეს. ვიზიტის ფარგლებში, სამსახურის უფროსი დიპლომატიური უსაფრთხოების სამსახურის სასწავლო ცენტრს ესტუმრა და თანამშრომელთა მომზადების სპეციფიკას გაეცნო.
ამერიკელმა კოლეგამ ანზორ ჩუბინიძეს განსაკუთრებული თანამშრომლობისთვის მადლობა გადაუხადა და მომავალი ურთიერთობისა და პროფესიული განვითარების პროცესში სრული მხარდაჭერა გამოუცხადა.
