სიახლეები

სახელმწიფო დაცვის სპეციალურ სამსახურში წვევამდელთა განაცხადების მიღება დაიწყო

ვის შეუძლია განაცხადის წარდგენა?

განაცხადის წარდგენა შეუძლია სამხედრო აღრიცხვაზე მყოფ 18-26 წლის წვევამდელს.

რა უპირატესობა აქვს საკონტრაქტო სამსახურს?

• სამუშაო რეჟიმი: სამ დღეში ერთხელ მორიგეობის განრიგი;
• შრომის ანაზღაურება: თვეში დარიცხული 120 ლარის ოდენობით;
• ჯანმრთელობისა და სიცოცხლის დაზღვევა (ოფიცრებისა და ზევადიან თანამშრომელთა ანალოგიურად);
• აქტიური ხელშეწყობა სტუდენტებისა და სპორტსმენებისათვის: შვებულებები აკადემიურ სასწავლო პროცესთან და სპორტულ ღონისძიებებში მონაწილეობასთან დაკავშირებით;
• წარმატებული მოსამსახურეებისთვის სამსახურის გაგრძელების (მათ შორის სპეციალური დანიშნულებისა და პირადი დაცვის დანაყოფებში) რეალური შესაძლებლობის არსებობა.

საკონტრაქტო სამსახურის დაწყებას წინ უძღვის 21 დღემდე სასწავლო შეკრება, რომლის დროსაც წვევამდელები:

• მიიღებენ თეორიულ მომზადებას;
• კვალიფიციური ინსტრუქტორების მეთვალყურეობით და უსაფრთხოების ნორმების სრული დაცვით გაივლიან პრაქტიკულ მომზადებას საბრძოლო ილეთების ათვისებით და ცეცხლსასროლი იარაღის გამოყენებით;
• უზრუნველყოფილნი იქნებიან თანამედროვე სტანდარტების შესაბამისი საცხოვრებელი პირობებით (სამჯერადი კვება, სამედიცინო მომსახურება, ოჯახთან კომუნიკაციის შესაძლებლობა).

რა დოკუმენტები უნდა წარადგინოს აღრიცხვაზე მყოფმა წვევამდელმა განაცხადის შეტანისას?

• მიწერის მოწმობა (შესაბამისი რაიონული სამხედრო განყოფილებიდან);
• საქართველოს მოქალაქეობის დამადასტურებელი მოწმობის ასლი;
• სხვა საბუთები განაცხადის წარდგენის შემდგომ.

განაცხადების მიღება წარმოებს როგორც ელ. ფოსტით - contact@ssps.gov.ge , ასევე მისამართზე: ქ. თბილისი, 9 აპრილის N2. დამატებითი ინფორმაციის მისაღებად, დაგვიკავშირდით ნომერზე: (+995 32) 2 92 16 31 + შიდა (44 29).