სიახლეები
სახელმწიფო დაცვის სპეციალურ სამსახურს დაარსებიდან 28 წელი შეუსრულდა
2022-06-23 16:28:00
სამსახურის დაარსების დღისადმი მიძღვნილ ღონისძიებას საქართველოს პრემიერ-მინისტრი ირაკლი ღარიბაშვილი დაესწრო. მთავრობის მეთაურმა სამსახურის თანამშრომლებს პროფესიული დღე მიულოცა და მადლობა გადაუხადა ქვეყნის წინაშე გამოჩენილი ერთგულებისთვის.
სტუმრებს სიტყვით მიმართა სახელმწიფო დაცვის სპეციალური სამსახურის უფროსმა გენერალ-ლეიტენანტმა ანზორ ჩუბინიძემ, რომელმაც სამსახურის საქმიანობის ამსახველი ანგარიში წარადგინა.
პრემიერ-მინისტრმა ახალი სპორტული მოედანი, კინოლოგიური ვოლიერები და სპორტული დარბაზი დაათვალიერა, გაეცნო სამსახურის სასწავლო ცენტრში მიმდინარე და განხორციელებულ ინფრასტრუქტურულ პროექტებს.
ღონისძიებაზე სამსახურის 12 თანამშრომელი უმწიკვლო სამსახურისთვის მედლით დაჯილდოვდა. იხ. ფოტოალბომი
