სიახლეები
გამწვანების აქცია ბათუმში
2010-12-15 14:47:00
ბათუმის ბულვარს 100-მდე ფიჭვისა და კედრის ახალი ნარგავი შეემატა. გამწვანების აქციაში, ბულვარის ადმინისტრაციასთან ერთად, საქართველოს სახელმწიფო დაცვის სპეციალური სამსახურის აჭარის ავტონომიური რესპუბლიკის მთ. სამმართველოსა და გარემოს დაცვის ინსპექციის თანამშრომლები მონაწილეობდნენ.
აღნიშნული აქცია სრულიად საქართველოს კათალიკოს-პატრიარქის, უწმინდესისა და უნეტარესის ილია II ინიციატივას ეხმაურება, რომლის თანახმადაც თითოეულმა ქართველმა წელიწადში 12 ხე უნდა დარგოს.
