სიახლეები
სდსს-ს თანამშრომელთა ეთიკის კოდექსი ძალაში შევიდა
2011-03-29 15:13:00
საქართველოს სახელმწიფო დაცვის სპეციალური სამსახურის თანამშრომელი ეთიკის ახლად მიღებული კოდექსის თანახმად, ვალდებულია საზოგადოების წევრებთან ურთიერთობაში იყოს ტაქტიანი, თავაზიანი, კეთილგანწყობილი. თავისი აზრი, საჭირო მოთხოვნებით შენიშვნები გამოთქვას კორექტული და თავაზიანი ფორმით. თანამშრომელი მომთხოვნი უნდა იყოს საკუთარი თავის მიმართ, პროფესიული მოვალეობის შესრულებისას გამოიჩინოს პრინციპულობა და კეთილსინდისიერება, გამორიცხოს მედიდურობა და ამპარტავნობა, თანამშრომელი თავშეკავებით უნდა შეხვდეს თანამშრომელთა, ასევე მოქალაქეთა მხრიდან მისი მისამართით გამოთქმულ შენიშვნებს.
