სიახლეები

დაიწყო წვევამდელთა სადღეღამისო-სასწავლო შეკრება

საკონტრაქტო სამსახურში ჩასარიცხი 400 კანდიდატი, 2011 წლის 28 ნოემბრიდან 28 დეკემბრებამდე სადღეღამისო - სასწავლო  შეკრებას გაივლის.  პრაქტიკული და თეორიული მომზადების კურსის წარმატებით დასრულების შემთხვევაში  კანდიდატები ჩაირიცხებიან საკონტრაქტო სამსახურში.

სადღეღამისო - სასწავლო შეკრების პერიოდში კანდიდატები გაივლიან საცეცხლე, სამწყობრო, ტაქტიკური და თეორიული მომზადების კურსს, გაეცნობიან იმ კანონებსა და კანონქვემდებარე ნორმატიულ აქტებს, რომელიც არეგულირებს საქართველოს სახელმწიფო დაცვის სპეციალური სამსახურის საქმიანობას.

საკონტრაქტო სამსახურს სახელმწიფო ზრუნვის სააგენტოს თბილისის, ბათუმის, თელავის, საგურამოს, ასპინძისა და კოჯრის ბავშვთა სახლის 8 აღსაზრდელი გაივლის.