სიახლეები
ძლიერმა წვიმამ სპეცდანიშნულების ქვედანაყოფის ბაზა დააზიანა
2012-05-12 13:07:00
თბილისში წუხელ მოსული ძლიერი წვიმის შედეგად, მნიშვნელოვნად დაზარალდა სახელმწიფო დაცვის სპეციალური სამსახურის სპეციალური დანიშნულების ქვედანაყოფის ბაზა. დაიტბორა ყაზარმები, დაზიანდა მატერიალური ქონების გარკვეული ნაწილი, სპეცტექნიკა და ინფრასტრუქტურა.
შემთხვევის ადგილზე მთელი ღამის განმავლობაში იმყოფებოდა სახელმწიფო დაცვის სპეციალური სამსახურის პირადი შემადგენლობა, რომელიც ქვეყნის სამაშველო და სხვა შესაბამის სამსახურებთან ერთად მონაწილეობდა სტიქიის მიერ მიყენებული შედეგების ლიკვიდაციაში.
